Meja kilo de shabu

Nohay mas pwede pa escapa el dos persona desde na mano del PDEA9 y pulis despues estos ya bende meja kilo de shabu con el PDEA undercover na La Purisima Street del Domingo denoche.
Na report desde na PDEA9 ya nombra con el dos suspechao como canda Omar Mhuktar Mahamud de Tungawan, Zamboanga Sibugay y si Alih Jain y Datag, de Kapuk, Flamingo.
Asegun na report, el transaction de droga ya ocuri enfrentero del un food chain alas 6 del noche donde el maga suspechao ya bende el meja kilo de shabu con el PDEA undercover.
Usando el boodle money ya sirvi como marked money amo el yap aga el PDEA undercover con el maga suspechao.
Despues lang del cambiahan del shabu y marked money, dayun ya encercula el maga PDEA agents hunto con el maga pulis del Intelligence Section del city police office.
Ya recobri Tambien desde con el maga suspechao el cuatro bala del caliber 45 pistola y el un fragmentation grenade.
Con el maga suspechao ya detene na headquarters del PDEA mientras ta prepara ya tambien el maga caso que ay planta canila na corte.
Ta precura pa ahora sabe el PDEA si donde ta sale el maga supply de shabu.