Nadakpan sa gipahigayong operasyon sa mga kapulisan ang usa ka wanted nga personalidad batok sa kasong Robbery kon pagpanghold-up pasado alas 3:57 sa hapon adtong Domingo didto sa Purok-2, Barangay San Jose, Malaybalay City, Bukidnon.
Giila ang dinakpang suspek nga si Paulo Bagting, 26 anyos, minyo, mekaniko, ug residente sa naasoy nga lugar.
Si Bagting ang gipasakaan og warrant of arrest sa kasong Robbery nga nakadokit ilawom sa Criminal Case no. 38720-22 nga gi-issue ni Hon. Eldred D. Cole, Presiding Judge, Regional Trial Court, 10th Judicial Region, Branch 45, Malaybalay City, Bukidnon, pinitsahan May 24, 2022 nga adunay girekomendang piyansa nga mukabat sa P120,000.00 alang sa temporaryong kagawasan.
Temporaryong gidetanar sa Malaybalay City Police Station ang suspetsado alang sa tokmang disposasyon.
Facebook Comments
