South Cotabato—sikop sa Operatiba sa kapulisan ang duha ka mga drug personality sa gipatigayon nga drug buy bust operation alas sa area sa Purok Siodina, Barangay GPS, syudad sa Koronadal sa pagpanguna ni PSupt Ronald Allan Peñaverde, Hepe sa Koronadal City PNP ug Dr. Glorio Sandig, CADAC action officer sa Koronadal City.
Ang mga suspetsado nailhang silang si Carlito Tabor Gonzaga alyas “kano” 48 anyos, ulitawo, mekaniko ug residente sa nasampit nga lugar ug Geoffrey Batisanan Salvador, alyas “bobong” 44, minyo, habal-habal drayber ug residente sa Purok Mabinuligan, Bo.5, Koronadal City.
Alas 10:45 ang takna sa buntag, July 10, 2017 dihang gihimo ang operasyon kung asa nakuhaan ang mga suspek ug pipila ka sachet sa gituohang shabu, drug paraphernalia, walo ka bala sa calibre 5.56 ug P1,000 nga kwarta nga gingamit sa maong transaksyun.
Subay sa report sa Koronadal PNP dugay na nilang gipanid-an ang iligalnga aktibidad sa mga suspek kanya responsabli sa pagpamaligya ug shabu sa maong Barangay.
Sa karon nagpabilin sa silda sa Koronadal City Police station ang duha ka mga suspetsado ug ginaandam na karon ang pagpaang-at ug kasong paglapas sa RA 9165 batok sa nga suspek. Samtang posibling mag atubang usab sila ug kasong paglapas sa RA 10591 human nga nakuhaan sila ug bala sa pusil.
Photo Credit to: Golden Shield
tags: Rmn Gensan, Rose Sioco, Koronadal PNP, South Cotabato, Inah Daven, Bryan Oñate
