Davao City- Nakutluan sa iyahang kinabuhi sa Southern Philippines Medical Center (SPMC) alas 5:11 sa buntag kagahapong adlawa Nobyembre 1, 2023 ang naligsang mekaniko sa NSV Ilang, Davao City.
Gikumpirma kini Police Captain Hazel Tuazon, Davao City Police Office Spokesperson nga nipanaw na ang biktimang si Ronel Perinal, 41 anyos nga taga-Mintal ning syudad.
Sa report pasado alas-9 sa gabie niadtong Oktobre 31,2023 samtang gaayo ang biktima sa nadaot nga prime mover nabanggaan kini sa transformer van.
Nakahiagom og seryusong injuries ang biktima sa iyahang kalawason atol sa insidente ug gidala kini sa SPMC.
Samtang, ang drayber sa transformer nga giidentipikang si Marlon James Villejo, 22 anyos gikustodiya na sa Bunawan Police Station.
Kasong reckless imprudence resulting to homicide ang ipasaka batok sa nakaligis nga drayber.
RadyoMaN Aimee Guinita
#TatakRMN
Facebook Comments
