Usa ka membro sa noturyos nga Abu Sayyaf Group ang naaresto pinaagi sa hini-usang elemento sa Regional Intelligence Division 9, RPSB 9, Zamboanga City Police ug sakop sa military.
Nagpahigayon kini sila ug checkpoint sa Brgy. Mercedes, Zamboanga City, Sa nahimong check point malampusong nasikop si Hamad Ajijul Susulan alyas Hajer Sailani/ Ahmad usa ka membro sa ASG .
Naaresto kini pinaagi sa gahum sa warrant of arrest nga ge isyu ni Presiding Judge Leo Jay T. Principe, branch 1, RTC, 9th Judicial Region, Isabela city, Basilan Province. sa kasong Kidnapping ug serious illegal detention with ransom.
Ang dinakpan nalambigit kini sa pag pangdagit didto sa Golden Harvest Plantation nga kung diin usa ka trabahador ang biktima niadtong Hunyo 11, 2001 partikular mente sa brgy. Tairan, Lantawan, Probinsya sa Basilan.
Sa pagkakaron ang dinakpan anaa na nagtingkagol sa Zamboanga City PS alang sa tukmang disposasyon.- MARK A. BACROYA
