Tapaz, Capiz – Patay ang isa ka katapo sang Philippine Army matapos ini ang na-report nga ‘gin-abduct’ sa may bahin sang Barangay Lahug sa banwa sang Tapaz.
Suno sa impormasyon nagikan sa Tapaz PNP, halin ang amo nga biktima sa ila detachment sa Barangay Lahug kag padulong sa banwa sang Tapaz sang ginbanggaan sang mga armado nga kalalakinhan nga ginabanta yara sa 40 ka indibidwal.
Ang amo nga biktima ang ginkilala kay Corporal Fredireck Villasis, tumandok sang Barangay Jaena Norte, Jamindan, Capiz.
Nahibaluan nga ini ang membro sang 12 Infantry Batallion(Kidlat Class -295- 2012).
Nag-angkon sang madamo nga kapilasan sa lawas ang biktima nga si Corporal Fredireck Villasis, tumandok sang Barangay Jaena Norte, Jamindan, Capiz matapos ini ang ginapahayag nga ‘gin-abduct’ kag ginpatay sa Barangay Lahug banwa sang Tapaz.
Nahibaluan nga gingapus pa ang biktima sang mga armado nga kalalakinhan antes nga ginluthang.
Mangin ang ginsakyan sini nga motorsiklo ang ginsunog pa sang mga suspek.
Suno sa impormasyon nagikan sa Tapaz PNP, halin ang amo nga biktima sa ila detachment sa Barangay Lahug sakay ang persona nga nagahingalan kay Analyn Giganto kag padulong sa banwa sang Tapaz sang ginbanggaan sang mga armado nga kalalakinhan.
