Memorandum Order alang sa pag-operate sa sabong gibakwi dungan sa pagpalig-on sa Memorandum Order no. 18 series of 2021

22

GIBAKWI sa Provincial Government of Bukidnon, ang Memorandum Order No. 36, Series of 2021, pinitsahan Pebrero 9, 2021 kalabut sa pag-suspendi sa operations sa sabong sa manok sa tibuok probinsya gumikan sa paglapas sa minimum public health protocols sa pipila ka cockpit arena operators, dungan sa paglapalig-on sa gobernador sa Memorandum Order No. 18, Series of 2021 kung aha gipakanaug niini ngadto sa mga City/Municipal Mayors ang tahas nga susihon ang tanang operators sa sabongan sa ilang hurisdiksyon kalabut sa istriktong pagsunod sa health protocols.

Pinasikad sa Memorandum Order No. 44, Series of 2021 pinitsahan Pebrero 17, 2021 gipakanaug ni Governor Zubiri ang kamanduan ngadto sa tanang Mayor nga imando niini ngadto sa ilang matag usa nga COVID-19 Task Force ingon man sa ilang mga hepe sa kapulisan nga pahugtan ug istriktong bantayan ang mga sabongan, subay sa kinatibuk-ang mga provision ubos sa DILG Memorandum Circular No. 2020-140.


Kung mapakyas sa pagsunod sa gitakda sa balaod ug kasuguan, moresulta sa pagsuspendi sa operasyon sa cockpit arena sa tibuok probinsya hangtud sa dugang nga pahibalo, busa gimandu ang hugot nga pagsunod dinhi.

Facebook Comments