Davao City – Gi-awhag karon sa Davao City Health Office kun CHO ang publiko ilabi na ang mga Dabawenyo nga magpabiling kalmado, magmaigmaton, ug likayan ang pagpakatag og dili beripikadong impormasyon ilabi na diha sa social media.
Kini subay gihapon sa gikatahong kaso sa meningococcemia sa nga gikalambigitan sa usa ka bata diin kini matud pa namatay sa usa ka pribadong balay-tambalanan.
Sa gipagulang pamahayag sa CHO, wala pa silay available data sa pagkakaron gani ila pa kining ginakumpirma.
Matud pa gikuhaan na og blood samples ang maong pasyente aron ipailawom sa eksaminasyon ug conformitory tests.
Subay niini hugot nga nagpatuman ang nalambigit nga ospital og mga lakang base sa standard medical protocols aron makontrola ang nga posibleng impeksyon ug pagkaylap kung kumpirmado man kini.
RadyoMaN Jason Amisola
