Gitahasan na ni Mayor Oscar Moreno si City Engineer Roland Pacuribot nga iya nang sukdon ang bakanting luna sa yuta sulod sa Bulua Central school ning syudad sa Cagayan de Oro.
Matud ni Moreno nga iyang giplano nga magtukod sa duhang 40 ka classrooms sa Bulua Central School aron mahamogaway ang klase sa kapin 5,500 ka mga estudyante sa maong tunghaan sa gobyerno dinhi sa Cagayan de Oro.
Matud ni Moreno nga ang Bulua Central School, nagkinahanglan sa kapin kon kulang 120 ka mga classrooms aron dili na mag-double shift ang mgae studyante sa ilang mga klase.
Nasaksihan ni Moreno ang kakulang sa mga classroom sa Bulua Central school sa dihang iyang personal nga gitambongan ang mass oath taking ceremony sa mga miyembro sa General Parents Teachers Association kon GPTA sa Bulua Central School niadtong milabay nga semana.
