Padayon pa karon ang follow-up investigation sa kapulisan sa Naga, Zamboanga Sibugay may kalabutan sa nahitabong pagpangluba didto sa purok 4, Brgy. Sulo, lungsod Naga.
Ang nahimong biktima usa ka studyante nga 14 anyos, nagpuyo sa nahisgutan nga lugar.
Matod pa giluba kini sa suspek nga si Yanyan Tambangan, anaa sa hingkod ang pangidaron, nagpuyo sa Sitio Bulansing, Brgy. Sulo, lungsod sa Naga.
Sa inisyal nga imbistigasyon nasayran nga ang biktima nagbaklay kini nga siya ra usa padulong sa ilang panimalay. Unya kalit lang mibutho ang suspek ug sa walay daghanag pangutana miluba kini sa biktima, naigo ang tuong bahin sa iyang dughan, hinungdan nga gidala sa Zamboanga Sibugay Provincial Hospital alang sa medikasyon tungod kay anaa kini sa kritikal nga kahimtang.
Ang suspek nakapalayo pa kini, ug padayon pang gipangita sa tinugyanan sa balaod.
