Leon B. Postigo, ZDN-Dali nga gidala sa balay tambalanan ang usa ka 14 anyos nga batang babaye human kini naaksidente sa armas de fuego didto sa may Lacnapan, Nasibac, Leon B. Postigo, Zamboanga del Norte.
Nahitabo kini sa miaging adlaw Mayo 8, 2019 bandang 8AM.
Ang biktima usa kini ka grade III Student sa maong barangay, sa gihimong pag imbistiga sa kapulisan sa maong lungsod, matod pa, nakaangkon ug samad sa tiyan ang biktima nga milapos pa kini sa likod nga bahin.
Nasaysan sab nga usa ka homemade nga armas ug kargado kini sa bala sa M14.
Sa pagkuti-kuti sa kapulisan, niadtong higayona kining menor de edad ang nahabilin nga nag-inusara sa ilang balay tungod kay ang iyang ginikanan miadto kini sa ilang umahan.
Didto na naka higayon ang batang babaye sa pagkuha sa armas, apan sa dihang iya na kining nahawiran ang armas, aksidente kining mibuto.
Sa pagkakaron naghimo pa ug imbistigasyon ang kapulisan sa Postigo kun nganong adunay armas ang amahan sa biktima.
