Davao City – Kasamtangang gikustodiya sa Baliok Police Station ang usa ka menor de edad nga si alyas ‘Onyot’, residente sa Purok 6, Greenhills Subd., Brgy. Catalunan Pequiño, Davao City human kini nakadunggab pasado alas 9:00 sa gabii.
Sumala ni Brgy. Kagawad Jhun Duray, founder sa Jaguar Responder, miangkon ang suspetsado sa salaud nga iyang nahimo human nga buot pasipad-an sa biktimang si alyas Ryan ang inahan niini.
Dugang ni Kagawad Duray, wala na matud pa mapugngi ni Onyot ang iyang kasuko, mikuha kini ug hinagiban og diretso duslak sa likod sa biktima ug dayun sibat.
Sa pagkakaron, padayon pang gitambalan sa Southern Philippines Medical Center (SPMC) ang biktima samtang mapasalamaton ang maong opisyal nga mi-surrender kanila ang suspek ug anaa na karon gikustodiya sa kapolisan sa Baliok.
RadyoMaN Paul Canono
Facebook Comments
