Ginlugos ang menor de edad nga nagabusong sang walo ka bulan sa isa ka brgy. Sa distrito sang Jaro.
Ang biktima nga si alyas inday, 15 anyos pa lamang kag walo ka bulan nga nagabusong sang ila anak sang iya 17 anyos nga live-in partner nga si alyas Toto.
Samtang ang suspek amo naman si alyas Jorly, tiyo sang iya live in partner .
Suno kay alyas Toto, nagapulaw sila sa haya sang iya napatay nga amay kag nag-una tulog sa ikaduha nga panalgan sang balay ang iya live-in partner nga biktima
.
Ginpahayag nga ginsunod ini sang suspek kag kag ginlugos.
Tuman ang kakulba sang biktima kag naghilibi-on sa pagbaboy sa iya sang tiyo sang live-in partner gani nanugid ini matapos ang isa ka oras.
Gilayon naman nga gindakop sang mga pulis ang suspek nga si alyas jorly sa diin ini ang hubog sang natabu ang krimen kag priso karon sa Jaro Police Station.
Ginpaidalum naman sa medical examination ang biktima kag ginalauman nga magaguwa ang resulta sini sa lunes.
(c) web photo
