Menor de edad nga suspek sa pagpatay sa iyang amo sa Lunes pa pasakaan ug kaso

24

General Santos City–Gikumpirma ni Police Major Ruilito Lumiguid nga karong umaabot nga Lunes pa nila mapasakaan ug kaso ang 16 anyos nga si Alias Junior kansa suspek sa pagpatay sa iyang among negosyante nga si Darlyn Tupas, 45 anyos, nga residente sa Prk. 19, Barangay Lagao, Gensan.
Matud ni Police Major Lumiguid sa karon ila pang ginahuwat ang Discernments nga ipasa sa CSWDO.
Kung ila na kining madawat didto na nila pasakaan ug kaso ang suspetsadong menor de edad. Nasayran nga human gisurender sa iyang magulang ang nasangpit gibutang kini sa bahay PAGASA, sa Barangay Sinawal.
Gikumpirma usab ni Police Major Lumiguid nga kumpermado nga nalugusan sa suspek ang biktima, kini base sa resulta sa medico legal sa nasangpit. Tungod niini kasong homicide ug rape ang ilang ipasang-at batok sa suspek.
Dugang pagbutyag ni Lumiguid posibleng gibunalan una ug maso sa suspek ang negosyante ayha niini lugosa, gumikan sa ilang gihimong imbistigasyon sa crime scene walay nakit-ang timailhan nga may nahitabong kumosyon atol sa insidente.
Base usab sa interview sa DSWD ngadto sa menor de edad, gibutyag matud pa niini nga dawsa gina-under estimate kini sa iyang amo mao nga nagbaton kini ug kasuko ngadto sa biktima.

Facebook Comments