Cauayan City – Mariing ipinaalala ng Public Order and Safety Division na ipinagbabawal para sa mga menor de edad ang pag-iinom ng alak sa Cauayan Banchetto.
Sa naging panayam ng IFM News Team kay POSD Chief Pilarito Mallillin, regulated lang ang nakakalasing na inumin sa banchetto upang mapanatili ang kaayusan at maiwasan ang anumang kaguluhan.
Katuwang nila ang PNP Personnels, Rescuers, Bureau of Fire Protection, LGU Cauayan, at 30 personnels naman sa ahensya ng Public Order and Safety Division sa pagpapanatili ng kaayusan sa lugar.
Dagdag pa ni Mallillin, sa unang araw ng pagbubukas ng Banchetto hanggang sa kasalukuyan, walang naitatalang anumang insidente ng kaguluhan.
Samantala, isa sa binabantayan ng POSD ang rerouting patungong bancheto, kung saan pagsapit ng alas 2 ng hapon ay naghahanda na ang ahensya sa kani-kanilang designated area.
