Pagadian City – Kritikal ang usa ka menor de edad samtang samaran usab ang lain pang tulo ka kauban niini human gipusil sa wala mailang mga suspek nga nagpatuong pulis dihang dapita sa Gate 10, Agora Market sakop sa Brgy. Sta. Lucia, Pagadian alas 2:40 kaganihang kadlawon.
Giobserbahan sa mga doctor ang 17-anyos nga biktima gumikan sa igo sa bala sa ulo.
Nagkurog pa ang mga survivors dihang nahinabi sa RMN DXPR Newsteam nga sakay lang sila sa usa tricycle dihang giharang sa naka-motorsiklong mga lalaki nga nagpa-ilang pulis.
Gikuha ang mga cellphones sa mga biktima og gipamusil ang mga menor de edad samtang pasibat sa lugar ang mga suspek.
Tulis ang motibo nga gisunod sa kapulisan sa nagpadayon nga imbestigasyon labot maong insidente.
Photo courtesy to Pulis Pagadian
