Menor gidunggab-patay

Davao City – Napalgang patay ang usa ka menor de edad nga lalaki kinsa nakahiagom og tulo ka mga dinunggaban sa likod nga bahin niini alas-5:25 sa kahaponon sa usa ka balay sa may Purok 13D, Block 18, Lot 2, Veterans Village, Panacan Davao City.

Biktima naila sa pangalang alyas Clark, 15 anyos.

Base sa imbestigasyon sa kapulisan, nakit-an ang maong patayng lawas sa gawas sa balay ni Aida Yap kinsa nanguha ra unta og kamunggay sa likod nga bahin sa ilang panimalay.


Dali kining gireport ni Yap sa ilang purok leader kinsa mao usab ang nanawag sa otoridad.

Kapulisan padayong naglusad og imbestigasyon sa maong insidente samtang ang patayng lawas sa menor anaa na gihaya sa Rivera Funeral Parlor.

RadyoMaN Abi Bibera

Facebook Comments