2:30 PM 20NOV18
Gipahibalo sa City Disaster Risk Reduction and Management Department o CDRRMD nga basi sa SEVERE WEATHER BULLETIN ganihang 2:00 sa hapon, ang sentro sa Bagyong (TROPICAL DEPRESSION) “SAMUEL” padayong gapadulong sa Dinagat-Samar-Leyte area.
Nagpabilin kini sa iyang kakusgon nga 55 kph samtang anaa kini sa gilay-ong 260 km Sidlakan (East) nga bahin sa Maasin City, Southern Leyte; ug paglihok nga 20 kph Kasadpan Amihanang-kasadpan (West Northwest) ganihang 1:00 sa hapon.
Ang TD “SAMUEL” posibling mo-landfall sa Dinagat-Samar-Leyte area karong gabii ug kini posibling mo-gawas sa PAR karong Huwebes (November 22) sa gabii.
Forecast Positions sa TD “SAMUEL”:
– 24 Hour(Tomorrow morning): 85 km West Northwest of Iloilo City, Iloilo
– 48 Hour(Thursday morning):300 km West Northwest of Puerto Princesa City, Palawan
– 72 Hour(Friday morning): 745 km West Northwest of Puerto Princesa City, Palawan (OUTSIDE PAR)
Ang Misamis Oriental; ug Camiguin nagpabiling gipasulod sa TROPICAL CYCLONE WARNING SIGNAL #1. Kini gapasabot nga mabati ang 30-60 kph nga hangin sulod sa 36 ka oras.
Ang Northern Mindanao maka-sinati sa pag ulan inubanan sa kusog nga hangin tungod sa TD “SAMUEL”. Nagpabilin nga dili apektado ang Northern Mindanao sa Amihan (Northeast Monsoon).
Nakasinati sa hinay (light) nga pag ulan ang ubang parti sa Cagayan de Oro karong orasa.
Madag-umon ang ubang parti sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan sa Talakag ug Baungon.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
