Menor sikop sa Oplan Kapkap Bakal Sita

9

Davao City – Nasikop sa kapolisan sa San Pedro Pnp ang usa ka menor de edad human nakuhaan og mahait nga butang lakip ang mga kinawat nga items atol sa gilusad nga random Oplan Kapkap Bakal Sita natigayon alas 9:30 kagabhion didto sa may dalang Illustre sakop sa Barangay 3-D syudad sa Davao.

Sa report gikan sa kapolisan sa San Pedro ang suspek nga menor de edad nga nadakpan nailang alyas Mar Mar, 17 anyos nagpuyo Sto Niño Buhangin ning dakbayan.

Matud pa nakapkapan ang suspek nga dunay bakal nga pangsilsil nga gisulod sa iyang bag sa dihang dakpon na unta misulay kini og sibat apan naabtan kini sa kapolisan hinungdan daling nasikop ug narekober gikan sa suspek ang usa ka gunting ug helmet nga kinawat.

Sa karon ang suspek nga menor gikustodiya na sa Women and Children Protection Desk sa San Pedro PNP.

RadyoMaN Don Pulayao

Facebook Comments