Sobra 400 nga ‘tambay’ ha Tacloban, nasita han mga kapulisan

TACLOBAN CITY – Sobra 400 nga tawo dinhi ha syudad han Tacloban an ginka-istorya han mga kapulisan han Tacloban City Police Office tinikangan han pag-implementar han kampanya kontra tambay o kun loiterers.

Manilampuson ini yana nga kampanya han Tacloban PNP kay tinikangan han pagtikang in waray krimen nga nahinabo, ini in sumala kan Deputy PNP City Director Pcinsp. Rex Cantillep.

Siring ni Cantillep, 486 na an ira naka-istorya ngan 250 dinhi in mga kabataan o kun minor de edad.


Pahayag han opisyal, diri nira gindadara ha ira kustodiya o PNP station kay bangin tahapan nga naaresto, ginrerespeto daw han mga kapulisan an katungod han kada tawo.

Pagklaro han Tacloban PNP, ginbubuhat ini nira nga kampanya, ira ginkakaistorya an tawo nga ira nakikit-an nga nagtitinambayon ha kakalsadahan bis gab-i na ngan ira ginpapauli.

News Contributor: Ebeth Abrinzosa & April Mae Vesana, RMN Tacloban Intern

Facebook Comments