Davao City – Mamahimo sumala pa nga lingawon ang kaugalingon aron dili ma-depress ug labing maapektuhan sa sitwasyon sa Coronavirus Disease 2019 (COVID-19) pandemic.
Kini ang tambag ni Davao City Mayor Sara Duterte-Carpio diin mamahimo sumala pa nga himuon ang mga butang nga makapa-relax sa usa ka indibidwal ug kung unsay buot niini’ng buhaton nga makawala sa kaguol sama sa pagluto, gardening, magbasa’g libro, magtan-aw og salida ug uban pa.
“Take time out for your mental health and wellness. So kung unsa ‘tong maka pag pa-relax sa inyuha, make sure nga duna moy schedule para sa ingon ana,” tambag ni Mayor Sara.
Sa pangutana kung ngano’ng nagpabiling kalmado kini sa pagdumala sa syudad sa Davao luyo sa nagkataas nga kaso sa COVID-19, gibutyag sa Mayor nga na aplikar niini ang mga pagtulun-an niadtong July 2011 nga insidente panahon sa demolisyon dinhi sa syudad sa Davao.
“Honestly, ang nagtudlo gyud sa akoa was the incident atong July 1, 2011. Hangtud karon naa gihapon koy trauma and lessons learned from that incident nga ginagamit na nako until this very moment. Daghan ko’g nakat-onan ato nga incident,” matud sa Alkalde.
RadyoMaN Kirby Manzon
