Davao City – Malaumon ang Philippine Mental Health Association (PMHA) sa gipasar nga Mental Health Ordinance sa syudad sa Davao, aron mapakusgan pa gayud ang adbokasiya batok depression aron dili moresulta sa pagpakamatay ilabi na sa mga kabatan-onan.
Sumala ni Precious Manliguez, PMHA Executive Director, tungod sa maong ordinansa dili na ‘hospital-base intervention’ ang himoon kon dili ‘barangay or community-based’ na gawas sa mga eskwelahan ang pagmonitor kabahin sa kahimtang sa matag pamilya.
Matud ni Manliguez, dili angay mabalaka ang katawhan sanglit adunay mga eksperto nga makatabang alang sa mga adunay mapalgan nga nakasinate na sa mental disorder.
Hinoon, gipasabot sa PMHA director nga bisan pa man niini, daku gihapon ug role ang mga ginikanan ngadto sa ilang mga anak pinaagi sa paggahin ug igong panahon aron makauban ug ma-estorya sila sa ilang mga problema bisan pa sa mga kasaypanan nga ilang nahimo aron ilang mabati nga dunay nagmahal ug nagpangga nga ginikanan ngadto kanila.
RadyoMaN Bernard Pantallon
