Davao City – Duha ka mga ‘mercy flights’ sa Department of Transportation (DOTr) Task Force gilaumang muabot sa Davao International airport karong adlawa Mayo 12 ug sa Huwebes Mayo 16.
Gibutyag ni Davao City Mayor Sara Duterte-Carpio nga sakay niini ang mga ‘distressed’ Overseas Filipino Workers (OFWs) gilangkuban sa wala pa matinong ihap.
“Sa May 12 Manila-Davao, Davao-Manila and then sa May 14 Manila-Davao, Davao-Manila. Kini siya nga mga flight is from DOTR Task Force. Aware na atong Davao City COVID-19 Task Force ani para sa pagdawat sa ilaha,” dugang sa mayora.
Gipaniguro sa syudad nga matuman ang istriktong protocols sa pag-abot sa mga pasahero sa airport.
Hatagan kini og screening cards ug i-test sa rapid testing kit (RDT) ug obligadong mupailawom sa strict self quarantine ug monitoring.
Kung adunay simptomas sulod sa 14 ka adlaw, kinahanglang ipahibalo kini sa District/Barangay Health Officer o muadto sa SPMC.
Ang tanang mga pasaherong nisulod og Davao required nga mupailawom og symptom screening sa ika-7th ug ika-14th day sukad sa ilang pag-abot sa Davao.
Gipadangat niini sa publiko nga lauman na nga diha sa dagsa sa mga nanguli, aduna gayuy posibleng positibo sa COVID-19, gani gikahibulong niini nga usa ra ang nagpositibo sa gihimong sweeper flight sa Davao.
“I-expect na na ninyo nga everytime naay bulk of people nga musulod, naa gyod nay positive. So ang mga tao should not expect nga walay surge mahitabo kung magpasulod ta og mga tao, naa gyod na siya,” sumala sa mayor.
RadyoMaN Aimee Guinita
