" MES DE PASCUA, CASO DE ROBO TA LOGRA"

Amediante que ta aserca, ta advirti el pulis con el maga vivientes aqui na ciudad para esta alerto y chene cuidaw especialmente con el maga ladron.
este ya bene despues, cuantos insidente de robo y robbery holdup el ya sosede aqui na centro del ciudad.
Asegun con el portabos del mando pulisiya rehional Cinsp. Helen Galvez, cadaves ta llega el mes de pascua ta subi el numero del caso de robo donde el maga ladron ta toma ventaha porcaosa ta pensa sila el maga vivientes chene sen.
Si galvez ya habla, hende lang apuera del casa ta ocuri maga insidente de robo sino pati ya na maga residencia, pureso apelo di Galvez con el maga vivientes asegura serao el casa si deha nuay hente.
Pero si Galvez ya habla que nuay pa sila ta mira embuelto aqui el sindicato, pero chene de estos maga embuelto maga dayao.
Aqui na ciudad de Zamboanga desde ya principia entra el mes de pascua cuantos maga insidente de roberry holdup el ya occuri, sin embargo ya chene negativo resulta desde con maga vivientes porcaosa nuay pulis el tiempo ta sosede el insidente masquin na centro del pueblo.
Mientrastanto, si Galvez ya habla ay questiona tamen sila con el maga pulis designao na lugar donde ya sosede el robo que nuay aquel tiempo del insidente.