General Santos City–Gikumperma ni Police Lieutenant Felix Minion III ang Deputy Chief of Police sa Police Station 3 nga dugay nang may bahad ang Metro Gensan investment nga nahimutang sa barangay Lagao human nga nanirado sila ug wala na makahatag ug pay out sa mga investor niadto pang milabay nga bulan.
Sumala pa ni Police Lt. Minion nga sa karon pagpanghulga ngadto sa Metro Gensan ang ilahang ginatan-aw nga motibo sa pagbilin sa usa ka fragmentation grenade nga swerteng wala mibuto.
Gubutyag man usab ni Minion nga ang maong Granada ang usa ka M26 fragmentation grenade ug wala nay safety lever ug kung gihilabtan matud pa kini sa mga nakaita adunay posibilidad nga kini mibusikad.
Nasayran nga nanghinlo sa ilahang tugkaran ang usa ka Mateo Esler Jr. 64 anyos usa ka vulcanizer, alas 5:00 ang takna sa hapon sa dihang iyahang nakit-an ang Granada hinungdan nga gilayong mi-report sa kapulisan ang gwardya sa Metro Gensan ngadto sa Police Station 3.
Sa kasamtangan blangko pa ang kapulisan kung kinsa ang mga suspect nga mibilin sa maong Granada samtang ila pang ireview ang CCTV nga nakamontar sa maong lugar sa pamasin nga nakuhaan ug footage ang mga suspect nga mibutang sa Granada sa maong lugar.(Dave)
