Metro Inn ginsulod sang 8 ka mga armado, retired police nga ginasiling inbolbado P11B drug smuggling nga si Perote ginpick-up

BACOLOD CITY – Ginsulod sang walo ka mga armado nga nakabonet ang isa ka kwarto sang Metro Inn Hotel nga nahamtang sa 6th Street Lacson las 11:10 kaina sang udto.

Suno kay PCapt. Leo Estopa, ginpick-up sang mga armado si Retired Police Lieutenant Lito Perote nga nag-upod sa isa ka abogado nga naka check-in kahapon sang aga nga ginkilala kay Atty. Abering.

Si Perote ang naka-assign sadto sa PNP National Police Headquarters antis ini nagretiro kag nadalahig ang pangalan sa P11B shabu smuggling.


Upod sini sa kontrobersya sadto sanday Senior Supt. Eduardo Acierto, Senior Supt. Leonardo Suan, Senior Supt. Lorenzo Basha, Police Inspector Conrado Caragdag kag SPO4 Alejandro Liwanag.

Dugang pa ni Estopa nga pagkatapos sina ginsakay sa puti nga van si Pirote nga may plate number YS-4514 kag nagpalagyo pa-Norte.

Nakit-an ang mga tinulo nga dugo sa salog ang hotel sa diin padayon pa gina-usisa kon bala ini ang halin sa suspek.

Ginpang-armahan ang mga gwardya sang hotel kag ginpahapa ang mga ara sang sulod sang ginsulod ini sang amu nga mga armado. / DYHB file photo

Facebook Comments