TACLOBAN CITY – An turismo in pagrespeto ha tradisyon han kada lugar.
Sumala kan Karen Tiopes, regional director han Department of Tourism (DOT) dinhi ha aton, may mga kritisismo hira nga nakakarawat tikang ha mga netizens ngan travelers nga iginlalabay ngadto ha all-male religious group Penitentes nga mayada papel durante ha pamalandong han Holy Week ha Palo, Leyte.
Pareho hin “white supremacist” ngan “racist” Klu Klux Klan ha U.S. an mga nagpaka hood, sumala han pira nga netizens ngan travelers.
“Naiintindihan ko an costumes nga ginsul-ot han mga Penitentes in pareho ha ginsul-ot han mga Klu Klux Klan, we hope nga imbis man bash, kitaon naton ano an gintikangan hini nga tradisyon.”
“Ginrerespeto ko an ira mga opinions, naghahangyo naman ako nga adman, intindihkn ngan igrespeto nira ini nga religious event dinhi ha Eastern Visayas, nga ini ginhihimo na pira na katuig an mga naglabay.”
Bis pa man may mga komento, diri magbabalyo hin costumes an mga Penitentes, sumala kan Tiopes tungod nga nakaka-attract ini hin mga tawo.
“We are proud of our traditions. We will stand by our tradition,” siring ni Tiopes.
Ginkakarawat han opisyal han turismo an komento kumo “positive note.”
“Natuod ako ako nga an mga nagkomento in magkamayada hin oras para magbasa-basa about ‘Tais-Dupol’.”
