General Santos City—Mas gipahugtan na sa Gensan City Health Office ang ilang monitoring sa tanang mga nagasulod sa syudad nga gikan sa China partikular na gikan sa Wuhan kansa maoy pinaka-apektado sa corona virus.
Sumala pa ni Dr. Jet Oco ang labaw sa City Health Office nga ilahang ginamonitor karon ang mga pasahero nga gikan sa china aron nga mapailalom sa quarantine aron nga dili masudlan ug corona virus ang syudad.
Dugang pa niini nga gawas sa China ila usab gimonitor ang uban pang pasahero sa eroplano nga adunay mga connecting flight sa mga lugar sama sa Taiwan ug South Korea tungod posible matud pang aduna silay mga nakahimamat nga pasahero nga gikan sa China.
Nanawagan man usab si dra. Oco ngadto sa mga indibidwal nga nagtravel sa ubang nasud nga mamahimong obserbahan ang kaugalingon aron nga makasiguro.
Samtang nanghimangno usab kini sa katawhan nga kung gikan sila sa maong mga lugar ug pagbalik sa Pilipinas nakasinate na ug hilanat, gilayong ipahibalo kini sa ilang buhatan o dili ba kaha sa mga doctor.(Dave Silagan)
