Giklaro sa Philippine Health Insurance Corporation kon Philhealth nga gikinahanglan nga adunay proof o basehan alang pagkaltas sa sweldo alang sa ilang contributions.
Kini ang tubag sa Philhealth human ang pangutana sa pipila ka mga miyembro kung kinahanglan ba gayod ang pagkuha ug Affidavit of No Income sa abogado kung mubayad sa Philhealth contributions.
Sa interview sa RMN Malaybalay ngadto kang Merlyn Ybañez, ang regional spokesperson sa PhilHealth Region 10 gibutyag niini nga dili kinahanglan nga Affidavit of No Income gayod ang ilang pangayoon sa usa ka miyembro kon dili bisan unsang financial records sama sa BIR, Payslip ug uban pa aron maoy basehan kung pila gayod ang bayaran sa miyembro kada bulan sa PhilHealth base sa income niini.
Gipasabot ni Ybañez nga kung ang usa ka direct contributor walay mapakita nga bisan unsang proof income, kinahanglan niyang bayaran ang maximum amount nga mao ang 50,000 x 3%.
Sigun niya nga kung nag-sweldo lang ug 10,000 pesos unya walay proof of income, iyang bayran ang maximum amount, maoy hinungdan nga ilang gipangayuan ug Affidavit of No Income ang usa ka miyembro aron dili makabayad sa mao nga kantidad. Dugang ni Ybañez nga tumong sa mao nga lakang aron hustong kaltas ang ilang mapabayad sa usa ka miyembro kada bulan. Sigun niya nga kung aduna lamay proof of income ang usa ka miyembro dili na kinahanglan pang muadto ug abogado para mukuha sa affidavit of no income.
