Mga aktibidad sa kapyestahan sang Surallah padayon sa pihak sang natabo nga pagluthang patay kay Kapitan Pudi Ambalgan.

Padayon ang tanan nga mga aktibidad sang Surbe`tube Festival sa pihak sang insidente nga pagluthang patay kahapon nga adlaw kay Brgy. Upper Sepaka Pudi Ambalgan kadungan sang ginpatigayon nga farmer’s day kabahin sang ila nga kapyestahan.
Suno kay Surallah Mayor Antonio Bendita ini tungod wala man sang kahilabtanan sa festival ang motibo sa pagluthang patay sa barangay kapitan.
Apang dismayado suno pa ang alklade tungod gintion pa sa ila nga kapyestahan ang pagluthang patay kay Ambalgan.
Ginpahayag man sang alkalde nga wala sang lapses ang kapolisan sa ginapatuman nga seguridad sa banwa bisan nga nalutsan sila sang mga kriminal tungod natabo ang pagpangluthang sa kapitan sa mismo sentro sang banwa sa kasagsagan sang ila nga kapyestahan.
Paklaro pa ni Mayor Bendita ini tungod ang ginabantayan man lang sang kriminal amo ang kapolisan.

Facebook Comments