TACLOBAN CITY – Nagsurat hira Tolosa, Leyte Mayor Erwin Ocana, Palo, Leyte Mayor Remedios Petilla, Tanuaun, Leyte Mayor Pelagio Tecson Jr., Tabon-tabon, Leyte Mayor Rustico Balderian, ngan hi Dagami, Leyte Mayor Abundio Delusa ngadto kan Adolfo Olaya, an gintudlok han board of directors han Leyte nga General Manager para ha LMWD.
Ha surat, nag-request an nasabi nga mga alkalde nga igbalik na an koleksyon o pagbayad han mga consumers han ira tubig ha kada bungto.
Epekto ini han public notice nga ginpagawas ni Pastor Homeres nga temporaryo nga ginsuspende an koleksyon ha gawas han syudad han Tacloban.
Nakabutang gihapon ha letter nga diri naka-install an billing ngan collection system ha mga server han computer sanglit ini daw in nagdurot hin inconvenience para hadton mga residente nga nag-uukoy ha nasabi nga mga bungto.
Kinahanglan man gud pumakadi pa ha LMWD main office ha Tacloban para magbayad sanglit doble ini nga gastos para hadton mga konsumidor.
Naglalaum an mga alkalde nga maaksyunan dayon an ira request.
