Probinsya sang Iloilo – Pwede na maksumpa kag mangin miembro sang PDP Laban party, ang partido ni President Rodrigo Roa Duterte ang mga alkalde nga mismo ginhingadlan sang presidente nga mga narco politicians okun protector sang mga drug personality.
Suno kay Iloilo Governor Arthur Defensor Sr., magasumpa sa PDP sanday Mayor Mar Malones sang Maasin, Mayor Alex Centena sang Calinog, kag Mayor Siegfred Betita sang Carles. “Nagtawag ako kay Speaker Alvarez kun pwde sila kasumpa hambal ni Cong. Alvarez tagaan lang sya sang 2 ka adlaw agud nga icheck ang ila pangalan.”
Pahayag ni Defensor, nakabaton sya sang official but verbal nga kumunikasyon nagikan kay Alvarez nga wala sang sablag kag mahimo makajoin sa partido ang nasambit nga mga mayors.
Matandaan, policy sang partido nga indi makaintra sa PDP ang mga pulitiko nga naulamid ang pangalan sa illegal nga droga.
