Sa panahon karon, di kalikayan nga naa kay maka-CHAR CHAR. Mabatan-on man o mga minyo, posible gyud nga naay tao nga maka-close nimu ug murag ma “fall” ka niya kay naa moy things in common o pareha mog hilig o pareha mog panglantaw sa mga issue o anything.
Taysa pa, ato sa diay hubaron ang pulong nga “CHAR CHAR”. Kanang murag kamo peru dili. Murag tinuod peru joke. Puro magsugod permi sa murag unya matapos pud sa murag. Way klaro. Hanap. Mao na iDOL. Sugdan na naku ang angay buhaton ha para kung ikaw single man o taken, dili ka masakitan kung may ka-CHAR CHAR ka.
1. AYAW PAG UNA UNA. Ikaw nga minyo o taken, ayaw jud pakita og intensyon nga interesado ka para di ka masud sa “bitag”. Ou, bitag sa relasyon nga may theme song nga Secret Love Song o Sana Dalawa Ang Puso Ko. Naa nagud kay ka-relasyon tapos makig-char char paka. Peru og gusto kag kontrobersya, aw pag una una. Tseh!
2. AYAW DAYON PADALA. Ikaw nga single ug hangol anang gugma2x, ayaw dayon padala if naay magpa-sweet nimu. Kabaw baka nga artistahon nang mga tao ron. Maayo kaayo mudag istorya. Pang-MMFF or Pang-Oscars pa gane ang acting. Award winning ang linya uy. Basta susiha og maayo kung tinuod ba o acting lang.
3. BANTAYE NANG MAAYO SA FB/CHAT/TEXT PERU SA PERSONAL WALEY. Ang mga kusog mangatik naa sa fb or text or tawag. Sila na. Palayo nila. If need ka to be with them, make sure nga di dayon ka motoo sa ilang e storya. Ayaw dayon give in nila.
4. PRANGKAHE NGA KABAW KAZ IYANG MODUS. Unsa ka manhid? Bisag kabaw kang gipaasa raka. Kabaw kang option raka. Gikabit raka. Pamapalipas oras raka. Panakip butas raka. Prangkahe uy nga brayt ka kay gipa-eskwela kaz imong mama. Prangkahe nga naa kay powers parehang Supremo sa La Luna Sangre nga kahibaw kay kinsay kagton ug kinsay dili!
Mao to mga iDOL. Hinaot pa nga mabuhat ni nimu akoang mga tips para iwas broken heart si dodong ug inday. Kay daghan nang kasingkasing ang nagupok tungod aning CHAR CHAR.
