TACLOBAN CITY – Ginpangunahan han catholic church ngan Development and Peace/Caritas Canada dida han dominggo, February 10 an inauguration ngan pag turnover han mga bag-o nga housing units ha Pope Francis Village ngadto ha 263 nga pamilya nga apektado han Super Typhoon Yolanda ha Tacloban City.
Mayada 40 square meters an kada nga housing unit ngan mayada tulo nga models.
P300,000 an kandtidad han kada usa nga unit.
Sumala kan Aida Vidal, Project Manager, an mga pabalay ha Pope Francis Village an pinaka madig-on ha ngatanan nga housing projects nga gintukod ha syudad.
An housing project in nahimo tungod han panalimbasog han Development And Peace/Caritas Canada, National Secretariat For Social Action (Nassa)/Caritas Philippines, Redemptorist Congregation, Urban Poor Associates, ngan Archdiocese Of Palo.
Nagpapasalamat naman hi Philip Lumbre, Presidente han Pope Francis Village Home Owners’ ha ngatanan nga bumulig nga maitindog an mga pabalay.
Sumala han Catholic Church, gumastos hira hin nagkakantidad P3.2 billion pesos kumo pagresponde ha 1.4 million victims han 2013 super typhoon Yolanda.
