Ginhalughog sang kapulisan ang balay sang SB Secretary sang Sara, Iloilo nga si James Balsomo I (the first) alyas Jaguar, legal ang pang-edaron sa Barangay Antonio Yusay, Sara , Iloilo mga ala 1:45 kaina sang hapon.
Ini pinaagi sa search warrant nga ginserbe sang kapulisan sa pagpanguna sang Regional Intelligence Division, subong man sang Provincial Intelligence Unit, PDEU kagv Sara PNP.
Narecover sa puluy-an ni alyas Jaguar ang 39 ka fired cartridge sang .45 caliber pistol, 6 ka live ammunition sang 5.56 armalite riffle, 1 ka live ammunition sang 7.52 riffle, 1 ka live ammunition sang 9mm pistol, 9 ka fired cartridge sang 9mm pistol, 1 ka black holster, 1 ka black leather holster, 1 ka granada, 4 ka sachet sang marijuana leaves kag empty sachet sang suspected shabu.
wala naman madakpan ang subject nga si James Balsomo I matapos nakatigayon ini nga makapalagyo samtang yara sa Sara Municipal Police Station ang mga recoveries bilang exhibit. (sspunay)
