Tulo dakpan sa sunod sunod nga buy bust operation

General Santos City— Balhug na sa selda sa kapulisan ang tulo ka mga suspetsado human nadakpan sa sunod sunod nga operasyon batok druga, sa tropa sa City Drug Enforcement Unit kon CDEU sa pagpanguna ni Police Senior Inspector Fernando Manuel Jr.

Unang nasikop ang usa ka Jeffrey Baron alyas Jefoy, 22 anyos nga taga Salazar St. Barangay Dadiangas South ning dakbayan. Nadakpan ang suspek sa may Pioneer Avenue atubangan sa usa ka establishemento kung asa napalitan kini ug usa ka sachet nga gituuhang shabu kantidad P500 pesos. Apil nga nakuha kaniya ang marked money nga P500 pesos ug lain pang usa ka sachet nga gituuhang shabu.

Nasayran nga gikanta sa suspek ang mga kaubaan pa niini hinungdan nga nadakpan ang duha pa ka mga suspek sa may Barangay Calumpang, nga silang Ryan De Ocampo DelPilar, 27 anyos nga taga Saeg Barangay Calumpang.


Ikatulo nga nadakpan ang gikaingong lookout niini nga nagpangalang usa ka Albert Naim Pacyawan, 25 anyos nga taga Purok Saeg Calumpang. Napalitan gihapon kini ug usa ka sachet nga shabu, nakuhaan ug buy bust money ug lain pang tulo ka mga sachet nga gituohang shabu.

Facebook Comments