CAUAYAN CITY – NATUKLASAN NG MGA KASUNDALUHAN NG 86TH INFANTRY “HIGHLANDER” BATTALION, KATUWANG ANG IBA PANG YUNIT NG AFP AT PNP, ANG ISANG TAGONG IMBAKAN NG ARMAS SA SITIO KASILYAN, BARANGAY SAN DIONISIO I, MADDELA, QUIRINO.
NASAMSAM SA OPERASYON ANG ISANG M1 GARAND RIFLE, MGA BALA, MAGASIN, RIFLE GRENADE, AT BANDOLIER. AYON SA ULAT, ANG MGA KAGAMITANG ITO AY ITINAGO NG DATING KASABWAT NG MGA REBELDENG KOMUNISTA MATAPOS ANG ENGKWENTRO NOONG 2017.
IBINUNYAG NI LIEUTENANT COLONEL EMPIZO ANGALAO, PINUNO NG 86IB, NA ANG OPERASYON AY BUNGA NG IMPORMASYON MULA SA ISANG DATING KONTAK NG CTG. PINASALAMATAN DIN NIYA ANG MGA RESIDENTE SA PATULOY NA PAGTITIWALA AT SUPORTA SA MGA AWTORIDAD.
ANG MGA NAKUHANG ARMAS AY KASALUKUYANG NASA KUSTODIYA NG 86IB PARA SA DOKUMENTASYON.
