Liwat nga ginanugyan ni Election Assistant II Jonathan Sayno sa tanan nga mga naga-aspirar nga magpadalagan sa SK kag Barangay Elections nga mag-file sang Certificate of Candidacy ukon COC samtang wala pa sang kasuguan nga nagapa-iway sang eleksyon.
Suno kay Sayno nga mahimo na mag-fill-up kag magproseso ang mga aspiring candidates sang mga papeles ukon mga dokumento kag i-file ini sa gintalana nga petsa.
Nahibaluan nga base sa calendar of activities sang COMELEC, gintalana sa Oktubre 5 tubtub 11 ang filing sang COC kag Oktubre 12 tubtub 22 naman ang campaign period.
Ginhatagan pagtamod ni Sayno nga tubtub wala pa sang kasuguan nga naga-postpone sang eleksyon, padayon man ang ila paghikot para sa eleksyon bangud ini ang ila mandato. (sspunay)
