Handa na ang mga athletes sang rehiyon dose sa pagsabak sa Palarong Pambansa sa Abril 27 subong nga tuig sa bahin sang Davao City matapos nga ginpaidalom man ang mga ini sa maid-id nga training.
May-angot sini, nagalaum sila suno kay Department of Education ukon Dep. Ed. 12 Sports Coordinator Magdaleno Dohilag nga maangkon sang rehiyon dose ang target nga rank 3 subong nga tuig nga Palarong Pambansa.
Ginpahayag man ni Dohilag nga gilayon nga ihatag ang insentibo sang mga athletes nga nakaangkon sang kadalag-an sa palaabuton nga Palarong Pambansa agud nga mamotivate pa gid sila.
Samtang ginahingyo niya man ang pangamuyo sang tanan para sa kadalag-an sang region 12 sa Palarong pambansa.
Subong nga semana nagafamiliarize ang mga athletes sang rehiyon sa mga playing venues.
