Walay klarong uniporme ang mga atleta sa Butuan City Division sa pagbukas sa 21st Caraga Regional Athletic Meet niadtong, Pebrero 25 na matapos sa Marso 1 ning tuiga.
Kini dihang sa tanang delegado sa 21st CRAM, ang Butuan City delegates lamang ang “incomplete uniform.”
Nahimong pangutana sa kadaghanan, kung asa ang budget? Apan tubag sa Dep-Ed Butuan City Division, dugay na download sa LGU Butuan ang pundo.
Pamahayag ni Ryan Babael, Accountant / Local Budget Officer sa Dep-Ed Butuan City School Division nga “Wala gyud mahuman, kay nagsumikad ang tanan sa kadugay sa pagdownload sa pundo.”
Gipasabot sa opisyal, Pebrero 14, 2018 na gi-download sa syudad ang pundo. Ug sa maong adlaw adeser pa sab gisugdan ang procurement procedure, tungod sa kadako sa kwarta moagi kini ug public bidding subay sa RA 9184 kun ang Government Procurement Reform Act.
Ang “Aptex Textile Printing Corp” ang midaug sa bidding, nahitabo ang post qualification sa BAC niadtong Pebrero 15 ug ang notice to proceed niadtong Pebrero 16 ning tuiga.
Una nang gibutyag ni City Councilor Cromwell Nortega, Chairman sa Committee on Physical Fitness, Recreation and Sports sa Sangguniang Panlungsod ning dakbayan na mokabat sa 7 milyon pesos ang kantidad nga naaprubahan ug ang maong salapi ang gi-download direkta sa Butuan City School Division.
Sigun sa opisyal aron nga maimbestigahan ang maong hitabo plano niya’ng magprivilege speech sa Sangguniang Panlungsod.
