Ang maong mga atleta mao sila si John Paul Araneta nga midaug sa nakakuha og silver medal sa 200 meter dash ug 4×100 meter relay; Harvey A. Villasan nga nakakuha og gold medal sa 110 meter hurdles ug high jump, silver medal sa long jump, ug 4×400 meter relay ,bronze sa 400 meter low hurdles ug triple jump.
Lakip usab silang Mejen L. Sumbongan nga nakakuha og silver sa decathlon ug high jump; Roel Hera nga mihuman sa ika-limang pwesto sa decathlon; ug Jaymar Guinitaran nga mihuman sa ika-upat nga pwesto sa decathlon (4th),ug 110m hurdle, samtang ikalima sa high jump ug 400m hurdles.
Isip pagdayeg sa ilang nahimo, gipasidunggan sila diha sa buhatan sa Mayor pinaagi sa pagtugyan sa ila og Plaque of Recognition adtong Martes, Enero 10,2023.
Nasayran nga ang maong mga atleta garepresenta sa ilang tulunghaan nga mao ang University of Sto. Tomas (UST).
Gipaabot sa mensahe ni Exec. Asst. Atty. Mitchell D. Talatala isip gadala ug gadumala sa CMO – Sports nga dako ang iyang pasalamat sa mga nasangpit nga atleta sa mga pasidungog nga nahatag sa Malaybalay ug gipasalig pinaagi ni Mayor Warren R. Pabillaran nga maningkamot ang lokal nga mahatagan og pagtagad ug tukmang suporta ang mga atleta nga mihatag og dungog sa siyudad sa Malaybalay.
