Ginmandui karon ni Mayor Jose Espinosa III ang pagtipon sa mga badjao nga nagalihu-liho sa mga dalanon sang siyudad sang Iloilo agud ibalik sa ila lugar sa Mindanao.
Partikular nga ginmanduan ni Mayor Espinosa si Mr. Jeck Conlu, head sang Public safety and Transportation Management Office nga pangtipunon ang tanan nga mga badjao sa siyudad kag pasakyon sa barko pabalik sa Mindanao.
Nahibaluan nga natalupangdan ang pagdamo naman sang mga badjao sa siyudad ilabi na nga nagahilapit naman ang paskuwa kon sa diin nagapangayo-kayo ang mga ini.
Ginhatagan pagtamod sang alkalde nga magluwas nga eye sores ang mga badjao, nagapahigko pa ang mga ini sa palibot kag nabutang man delikado ang kabuhi sang mga ini.
Luyag ni Mayor Espinosa nga mahawanan ang siyudad sa presensya sang mga badjao sa bulan sang Disyembre .
