Matud ni PRO XI Spokesperson Police Major Eudisan Gultiano, mukabat sa 2,000 ka pulis magsilbing augmentation force ang ikatag sa mga nag-unang lugar sa rehiyon onse kini aron dili makalugar ang mga kriminal sa paghimo og krimen atol sa adlaw sa Semana Santa.
Sigun ni Gultiano, ang dakong porsento sa augmentation ipangkatag sa mga nag-unang kasimbahanan nga dunay ipahigayon nga relihiyosong gimbuhaton sa entero semana santa partikular sa Holy Friday.
Dugang ni Gultiano, gawas sa puwersa sa kapulisan, mutabang sab sa pagbantay sa siguridad sa Semana Santa ang Force Multipliers diin dinhi sa dakbayan kaabag sa kapulisan alang sa luwas nga paghinumdom sa kamatayon ni Ginoong Hesus ang mga elemento sa Task Force Davao.
Una nang giingon ni DCOTT Manager Aisa Yusop nga nagpatawag na og security cluster meeting ang Public Safety and Security Command Office aron i-hitsas na ang security measures sa semana Santa.
Gidasig sa Tigpamaba sa kapulisan sa rehiyon onse ang publiko nga panigurohong nakatrangka ang mga pultahan ug gate ug dili magbilin og suwat pahibalo nga wala sila sa ilang balay sa adlaw sa Lenten season aron dili makabaton og ediya ang mga kriminal nga walay tawo ang ilang balay.
Gi-awhag pa sa opisyal ang mga dabawenyo nga una mubiya sa ilang mga balay sigurohon nga naka-unplugged ang tanang appliances kay aron malikayan ang sunog nga hayan mu-ugdaw sa ilang mga pinuy-anan karong Semana Santa.
RadyoMaN Joel Viray
