Simula sa susunod na taon, mas maraming security features na ang nasa New Generation Currency (NGC) banknotes o mga bagong perang papel.
Ayon kay Bangko Sentral ng Pilipinas (BSP) Governor Benjamin Diokno – dalawa o higit pang security features ang idadagdag sa currency.
Aniya, pagdating ng first quarter ng 2020, inaasahan ang mga sumusunod na security arrangements: upgrade window security thread na may unique color at design kada denomination at anti-copy at anti-scanning features.
Ang mga banknotes ay may tactile marks para sa mga matatanda at may diperensya sa paningin.
Maliban dito ang latest NGC banknotes ay mayroong sumusunod na features:
- Embossed prints kaya magaspang kapag hinawakan, mararamdaman din ang pirma ng pangulo at BSP governor
- Asymmetric serial number
- Embedded red at blue security fibers
- Watermark ng portrait na may corresponding value ng denomination
- Isang see-through mark ng salitang “Pilipino” na nasakulat sa baybayin
- Nakatagong denomination value na makikita lamang kapag itinikwas
- Embedded thread na makikita sa likod ng ilaw
Facebook Comments
