MGA BALA UG EXPLOSIBO NAKOMPISKA SA CHECKPOINT
Ubay-ubay nga mga bala ug explosibo nga gitoohang iya sa New People’s Army ang naharang sa checkpoint point didto sa Sitio Nangka, Brgy. Cabangahan, Cantilan, Surigao del Sur.
Asoy sa Cantilan Police, lulan sa singlemotor ang mga nakompiska nga gimanehoan ni Nelson S. Toñacao, 51 anyos, lumolopyo sa Sitio Nasipit, Brgy. Adlay lungsod sa Carrascal.
Nasayran nga malamposong naharang ug Nakompiska kagahapon sa gingsakpan sa Cantilan Municipal Police Station kauban ang tropa sa Philippine Army ang mga mosunod mga bala 60 Caliber, 6 link sa 5.56 mm live ammunition green tip sa K-3 na adunay 609 live ammunition; siyam ka M433 ug 6 ka RLV-HEF-1 nga adunay 15 grenade Launcher Ammunitions ug kapin kun kulang 500 sheets sa NPA leaflets.
Sa intergorasyon, nangaturangan si Toñacao, nga adunay naghangyo niya nga ikarga ang maong mga sako apan wala matud pa siya mahibalo nga mga bala, explosibo ug mga basahon sa NPA ang sulod niini og sa walay pagduha-duha misugot siya nga ikarga kini sa motor.
Ang suspek ang gipusasan dayon gidetain sa karsel sa Cantilan Municipal Police Station.
Kasong pagsupak sa R.A 10591 or the Comprehensive Firearms and Ammunition Act ang atubangon sa suspek.
