Dimataling, Zamboanga del Sur -Nangadlawon ang elemento Criminal Investigation and Detection Group- CIDG-Zamboanga Del Sur Provincial Field Unit, Regional Special Operations Group, Provincial Mobile Force Company, Zamboanga del Sur Police Provincial Office ug tropa sa Dimataling Municipal Police Station dihang gilunsad ang Joint Operation sa Barangay Libertad, Dimataling, Zamboanga del Sur.
Dala sa otoridad sa maong operasyon ang Search Warrant batok sa target nga si MARCIAL TAPING, 55 -anyos, residente sa nasangpit nga lugar.
Ang Search Warrant no. 19-003 may kalabutan sa Akta Republika 10591 kun illegal possession of firearm and ammunition ang gihuptan sa kapulisan nga gi-isyu ni Judge RUBEN BANCE, Regional Trial Court, 9th Judicial Region, San Miguel, Zamboanga del Sur pinitsahan September 24, 2019.
Malampuson nga nadakpan ang target og nahipos gikan sa iyang posisyon ang walo kabook bala 12 gauge shotgun ug lima ka buhing bala sa M16 rifle.
Ang dinakpan kasamtangan nga gikostudiya sa CIDG Zamboanga Del Sur-Provincial Field Unit samtang naghulat sa sunod nga lakang.
