General Santos City–Gironda sa hiniusang pwersa sa mga personahi sa Police Station 5 sa pagpanguna ni Police Chief Inspector Basher Alindo hepe sa maong buhatan ,Police Chief Inspector Benjur Katkatan labaw sa City Intelligence Branch, Police Senior Inspector Retchel Cabuslay Hepe sa City Mobile Force Company ang panimalay sa kanhing miyembro sa NPA nga naila sa pangalang Jimmy Lawas, 49 anyos nga taga, Changco Village, Arsid Tande, 57 anyos, negosyante, residenti sa Bajao Village ug ang panimalay sa Purok chairman sa Tribal Village, Renato Tangcong, 43 anyos, residenti sa Barangay Bawing ning siyudad.
Nasayran nga bandang alas 5:00 sa kadlawon una nang gipatuman sa kapolisan ang search warrant nga gipirmahan ni Hon Judges Oscar Noel Jr. sa RTC branch 35 asa unod niini mao ang kalapasan sa Republic Acts 10591 kon illigal posisyon of fire arms sa mga nagkadaiyang purok sa maong barangay.
Nakuha sulod sa payag ni Lawas ang usa ka unit sa .45 caliber ug 28 ka buhing bala ingon man magazine samtang nag negatibo usab sa armas ang panimalay sa negosyanting si Tande ingon man kang chairman Tangcong.
Sa bahin usab ni kapitan Bawing Rey Benitez gibutyag niini nga iyang tanod si Lawas apan wala kini nasayud nga dunay gihuptan nga armas ang nahisgutan hinungdan muhimo usab kinig lakang sarang dili na subling mausban pa ang susamang panghitabo. (Ray Sabillo)
