Nag una ang mga Chinese national sa listahan sa mga langyaw nga naaresto sa Bureau of Immigration (BI) sa Pilipinas.
Sa talaan sa ahensya, anaa sa 533 na ka mga illegal aliens ang naaresto sa tuig 2018.
Sumala ni BI Acting Intelligence Chief Fortunato Manahan Jr., natala ang 393 sa maong ihap mga Chinese nationals, 52 ang Koreano, 12 ang Amerikano.
Kadaghanan sa mga naaresto mga overstaying aliens, illegal foreign vendors ug ilegal nga pagtrabaho sa Pilipinas.
Sumala ni BI Commissioner Jaime Morente nga walay permit o proper visa ang pipila ka mga nasikop nga langyaw.
Gawas sa mga naarestong langyaw, nakapa deport usab ang ahensya ug 611 ka mga langyaw nga milapas sa immigration rules sa Pilipinas.
-30-
Palasyo nanawagan sa mga kritiko nga hunongan na ang pag kwestyon sa pagpatuman sa Balaod Militar
Nanawagan ang Malacañang sa mga kritiko nga hunongan na ang pagkwestyon sa pagpatuman sa martial law sa Mindanao human ang sunod-sunod nga pagbusikad sa tulo ka mga lugar sa nasud niadtong nakalabayng bulan.
Mas seryoso pa ang mahitabo sa Mindanao kung walay martial law, kini ang gihingusgan ni Presidential Comminications Secretary Martin Andanar.
Sumala ni Andanar, susama usab ang panlantaw sa iyang mga naka istorya sa Cagayan de Oro, Bukidon, ug Misamis Oriental.
Kahinumduman, nga gipa ilalum ni Digong ang Mindanao sa Martial Law niadtong ika-23 sa Mayo tuig 2017 human mahitabo ang Marawi Siege sa mga grupong kunektado sa Islamic State.
-30-
Grupo sa mga kabataan, nagtigom sa gawas sa Senado isip pagsupak sa pag pa ubos sa minimum age of criminal responsibility
Nagpahigayon ug programa sa gawas sa Senado ang pipila ka mga grupo sa mga kabataan dungan sa gilaumang pagsugod sa debate sa plenaryo sa sugyot nga pagpa ubos sa 12 anyos sa minimum age of criminal responsibility.
Kini gilangkuban sa child rights network, kabataan partylist, ug association for the rights of children in South East Asia.
Pipila usab sa mga batang miyembro sa grupo ang misulod sa Senado ug mihatag ug bulak sa mga senador.
Hangyo sa mga kabataan sa mga Senador, mobotar kalabot sa maong sugyot base sa dikta sa ilang konsensya.
Gihingusgan niini, nga dili mga bata ang angay initan apan ang mga sindikato nga migamit kanila aron mohimo ug dautan ug iligal.
-30-
Pagpatuman ug Martial Law sa Mindanao gidepensahan sa PNP
Gidepensahan ni Philippine National Police (PNP) Chief Director General Oscar Albayalde ang padayong pagpatuman ug Martial Law sa Mindanao.
Kini atubangan sa pagkwestiyon sa pagka epektibo sa balaod militar sa pagpabilin sa kalinaw sa rehiyon.
Kini gumikan usab sa nahitabong pagpamomba sa Jolo, Sulu ug sa Zamboanga City.
Gihingusgan ni Albayalde – kung walay Martial Law, posibleng niadtong pang mga miaging tuig adunay insidente sa pagpamomba sa Mindanao.
Una niini, misurender na si Alyas Kamah ug upat pa ka mga kauban niining suspek sa pagpamomba sa Jolo.
