Sa pakighinabi sa DXDC RMN Davao kang Police Captain Hazel Tuazon, ang spokesperson sa DCPO, iyang gibutyag nga gawas sa ilang makanunayong pagpatrolya, gihangyo nila ang mga opisyales sa barangay nga kung unsa man ang problema sa ilang komunidad, sulbaron kini samtang sayo pa ug di na huwaton nga adunay mahitabong krimen.
“Ang atoa lang ani ma’am prevention, solution, proactive. Mao na atong buhaton ani para di na mahitabo kining mga krimen. Sa atong taga barangay, dapat kung naay problema, i-settle. Dapat dili na padak-on pa,” matud ni Tuazon.
Kini human sa sagunson karon nga krimen sa Davao City sama sa pagpanigbas-patay sa usa ka tricycle driver sa Brgy. New Valencia, Tugbok District ug sa pagkaangol sa usa ka lalaking gitigbas sab sa Matina Crossing nga parehong tungod sa personal nga bangi.
RadyoMaN Ivy Parido
