Davao City- Patay atol sa police operation ang usa ka robbery suspek kaganihang alas-3:50 sa kadlawon, adlawng Martes sa Purok 2-A,Barangay Malagos, Davao City.
Sa report sa Baguio Police Station, girespondehan nila ang tawag nga adunay pagpang-ransack nga nahitabo sa maong lugar.
Sa imbestigasyon, naabtan pa sa kapulisan ang suspek nga gadala’g kinawat nga tv apan dihang nagpaila na ang nga awtoridad giingong kalit lang nga nibunlot ang suspek sa iyahang baril ug alegasyong namusil sa mga operatiba.
Nidepensa na usab ang mga pulis ug naigo sa dughan ang suspetsado.
Gisulayan pa kini og dala sa Isaac T Robillo Memorial Hospital at Barangay Calinan, Calinan District apan gideklara na kini sa doktor nga dead on arrival kaganihang alas-4:05 sa buntag.
Padayong ginaidentipika pa sa mga pulis ang napatay nga robbery suspek.
RadyoMaN Aimee Guinita
Facebook Comments
